ବଙ୍ଗୋପସାଗରରେ ସୃଷ୍ଟି ‘ମୋନ୍ଥା’ ବାତ୍ୟା ୨୮ ତାରିଖ ମଧ୍ୟରାତ୍ରିରେ ସ୍ଥଳଭାଗ ଛୁଇଁବ — ମାଲକାନଗିରି, କୋରାପୁଟ, ଗଜପତି ସହ ୮ ଜିଲ୍ଲାରେ ଉଚ୍ଚ ସତର୍କତା!

ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ‘ମୋନ୍ଥା’ ବର୍ତ୍ତମାନ ଏକ ଭୀଷଣ ବାତ୍ୟା ରୂପ ନେଇଛି ଏବଂ ଏହା ୨୮ ଅକ୍ଟୋବର ମଧ୍ୟରାତ୍ରିରେ ଭାରତୀୟ ସ୍ଥଳଭାଗ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ (IMD) ସୂଚନା ଦେଇଛି।
ଏହି ସମୟରେ ଭାରି ପବନ ସହିତ ଅତି ପ୍ରବଳ ବର୍ଷା ହେବା ଆକଳନ କରାଯାଇଛି, ଯାହାର ପ୍ରଭାବରେ ଓଡ଼ିଶାର ମାଲକାନଗିରି, କୋରାପୁଟ, ରାୟଗଡା, ଗଜପତି, ଗଂଜାମ, କନ୍ଧମାଳ, କଳାହାଣ୍ଡି ଏବଂ ନବରଙ୍ଗପୁର ଜିଲ୍ଲା ସହିତ ଅନ୍ୟାନ୍ୟ ଅଂଚଳଗୁଡିକ ଅଧିକ ପ୍ରଭାବିତ ହେବା ଅନୁମାନ।

ରାଜ୍ୟ ସଭାପତି ଶ୍ରୀ ମନମୋହନ ସାମଲ ଓଡ଼ିଶାବାସୀଙ୍କୁ ଆହ୍ୱାନ କରିଛନ୍ତି ଯେ, “ଭୟଭୀତ ହେବେ ନାହିଁ, ଧର୍ଯ୍ୟ ଓ ସହଯୋଗର ସହ ବାତ୍ୟା ପରିସ୍ଥିତିର ସମ୍ମୁଖୀନ ହେବା।”
ସେ କହିଛନ୍ତି ଯେ, ରାଷ୍ଟ୍ରୀୟ ସଭାପତି ଶ୍ରୀ ଜେ.ପି. ନଡ୍ଡାଙ୍କ ନିର୍ଦ୍ଦେଶ ଅନୁସାରେ, ବିଜେପି କାର୍ଯ୍ୟକର୍ତ୍ତାମାନେ ସେବା, ସହାୟତା ଓ ଉଦ୍ଧାର କାର୍ଯ୍ୟରେ ପୂର୍ଣ୍ଣ ସମର୍ପଣ ସହ ଯୋଗଦେବେ।

ସରକାରୀ ଯନ୍ତ୍ରଣା ପକ୍ଷରୁ ମଧ୍ୟ ‘ଜିରୋ କାଜୁଆଲିଟି’ ଲକ୍ଷ୍ୟ ରଖି ବାତ୍ୟା ପାଇଁ ପୂର୍ଣ୍ଣ ପ୍ରସ୍ତୁତି ହେଉଛି। ପ୍ରଶାସନ ପକ୍ଷରୁ ଲୋକ ଏବଂ ପଶୁଧନକୁ ସୁରକ୍ଷିତ ସ୍ଥାନକୁ ନେବା, ଶୁଖିଲା ଓ ରନ୍ଧା ଖାଦ୍ୟ ବଂଟନ, ଚିକିତ୍ସା ସୁବିଧା, ବୃଦ୍ଧ, ଗର୍ଭବତୀ ଓ ରୋଗୀଙ୍କ ସୁରକ୍ଷା ପାଇଁ ବିଶେଷ ପଦକ୍ଷେପ ନିଆଯାଇଛି।

ଶ୍ରୀ ସାମଲ ଆହ୍ୱାନ କରିଛନ୍ତି ଯେ, “ଏହି ସଂକଟକାଳୀନ ସମୟରେ ଆମେ ସମସ୍ତେ ଏକତାରେ ରହି ସରକାର ଓ ପ୍ରଶାସନଙ୍କୁ ପୂର୍ଣ୍ଣ ସହଯୋଗ କରିବା ଆବଶ୍ୟକ। ଲୋକସେବା ହେଉଛି ଆମର ପ୍ରଥମ କର୍ତ୍ତବ୍ୟ।”